Eftir Afreks-æfingu í morgun mættum við galvösk á Hlíðarenda. Baldur var í búningnum og mjög peppaður.

Æfingin byrjaði aðeins brösuglega. Upphitun fólst nefnilega í stórfiskaleik og minn maður kunni alls ekki leikinn. Það féllu ófá tár í þessum stórfiskaleik.

Baldur Atli lét hins vegar sært stoltið ekki stöðva sig og eftir smávegis dekstur í upphafi æfingar náði ungi handboltamaðurinn sér á strik.