Tíminn líður svo hratt og enn á ný er komin helgi. Í dag er enginn venjulegur föstudagur, því í dag eru 35 ár síðan bjórinn var leyfður. Mikill merkisdagur en mér fannst nú ekkert sérstaklega haldið upp á hann, ég tók að minnsta kosti ekki eftir neinum sérstökum hátíðarhöldum í tilefni dagsins.

Ég drakk bjór í fyrradag, hrikalega gott að fá sér kaldan bjór, en annars er frekar langt síðan ég hef fengið mér bjór. Þetta er svolítið eins og með kaffið, fyrsti sopinn er langbestur.